Wednesday, May 13, 2020

ABUBUWAN GUDA 20 DA BA SA KARYA AZUMI


ABUBUWAN GUDA 20 DA BA SA KARYA AZUMI
1-Kwana da janaba a jiki.Annabi ya kan wayi gari da janaba kuma yana mai azumi
2-Kurkure 'baki da shaqa ruwa da yin aswaki
3-Sanya tozali da rana
@Fathul Bari
4-Sanya maganin ciwon ido
5-Sanya maganin ciwon kunne
6-Fitar maniyyi ta mafarki da rana
@Subulussalam
7-Yin qaho
@Bukhari
8-Rungumar mace da sumbatarta in ba ka da kaifin sha’awa
9-Zuba ruwa mai sanyi a fuska ko a kai
10-Dandana abinci amma a tofar bayan dandanawar
11-Amai ba da gangan ba.
12-Maganin da masu cutar ‘ASMA’ ke anfani da shi wato ( Inhaler ) lokacin azumi ba ya karya azumi
13 Shaqa maganin mura
14-Dibar jini a jikin mai azumi ba ya karya azumi
@Fatawas-siyam, Uthaymin
15-Cin abinci da mantuwa.[Allah ne ya ciyar da kai babu komi azuminka na nan]
16-Yin asuwaki ko makilin da burushi
@Siyamu Ramadana na Jamil Zainu
17-Yin wanka a rafi
18-Zuba ruwa a kai domin jin sanyi
19-Yin allura a jiki da sunan Magani bata karya azumi
20-Cire haqori ko cikesa ba ya karya azumi
@Munajjid 70 Questions on Fasting
Idan mace tana da ciki sai ta ga jini ya zubo mata a gabanta,babu komai domin wannan ba jinin haila ba ne, azuminta yana nan bai lalace ba, ciwo ne ta nemi magani.
Amma da a ce tana haila sai ta ga hailarta ta dauke bayan alfijir ya fito ba zata yi azumi ba.

KETA SARARIN SAMANIYA

KETA SARARIN SUBHANA

Tsawon miliyoyin shekaru babban abinda ya fi jan hankali da burge Dan Adam shine yadda Tsuntsaye da kwari ke iya tashi sama. Wannan burgewa ta zama kishi domin mutane, duk da cewa Allah bai hore musu wata halitta a jikinsu da za su iya tashi ba, amma an yi ta kokarin kirkirar fuka-fukai don kwaikwayon halittu masu tashi. Mutane daban-daban daga al'ummomi da dama sun gwada tashi sama ta hanyar kwaikwayo, wanda ya haifar da asarar rayuka da kuma rasa gabobi. Duk da cikas da aka fuskanta maimaikon kokarin ya ragu sai ya ringa habaka. Cikin suratul Rahman sai Allah ya ce mana
Q55:33" Ya ku (gungun) aljanu da mutane, idan zaku iya ketasararin sammai da kasa, to ku keta. Amma sai da izinin Allah zaku iya ketawa"
Wannan aya ta zama daya daga cikin ayoyin mu'ujizar Qur'ani domin ta fadi wani abu da zai faru a gaba.
Abbas Ibn Firnas, mutumin Kasar Andalusia wanda ya rayu a garin Cordoba, shine masanin kimiyya na farko a tarihi wanda ya fara kera jirgin sama mai fuka-fuki kuma ya tashi sama ya yi zagaye har na kimanin mintuna goma a gaban bainar jama’a a shekarar 875 AD, wato kusan karni biyu da rabi bayan wafatin manzon Allah. Amma kamar yadda turawa su ka saba sace wa musulmi darajar farko ta kirkirar abubuwa da dama, ya sa ba’a jin sunan wannan dan taliki a hurumin mutum na farko da ya fara kera jirgin sama. Wannan bincike na sa bai sami ci gaba ba har daular musulunci ta Andalus ta rushe, amma ina zaton aikinsa ne ya janyo mashahurin masanin kimiyya na kasar Rum, wato Leonardo Da Vinci (1452), bayan kimanin shekaru 600, ya ba shi karsashin nazari a wannan fage inda har ya yi wasu zane-zane da ke nuna za'a iya kirkirar na'ura da za ta iya tashi ba tare da an kwaikwayi yin fuffuke irin na dabbobi ba. Duk da haka wannan zane bai yi tasiri ba har bayan kimanin shekaru 400 da mutuwar sa. A farkon karnin da ya gabata ne cikin shekarar 1903 wasu yan uwa guda biyu (Wilbur Brothers) na kasar Amurka su ka cimma nasarar yin inji na farko da ya bar doron kasa kuma yayi tafiya a cikin sararin samaniya. Wannan nasara ta samu ne sakamakon gane amfani da hanyoyin nan guda hudu dake ba kowane abu mai tashi damar iyo a cikin iska (4 forces of Aerodynamics) wato Ingiza (Thrust), Tirjiya (Drag), nauyi (Weight) da kuma karfin dagawa sama (Lift). Samun daidaiton wadanna abubuwa ke bada damar iyo a iska domin ingiza na samuwa ne daga karfin na'ura da kuma iska, haka nan tirjiya na samuwa ita ma daga na'ura da iska sai kuma karfin dagawa wadda ta ta'allaka ga nauyi dake dogaro ga maganadisun dake jan komai kasa (Gravity) wadda karfin inji ke iya gujewa. Ko daga wadannan abubuwa da ke baiwa jirgi ikon tashi sama, mai lura na iya gane cewa babu wani abu da zai iya tashi sama sai da izinin Allah domin da zarar Allah ya zuke iskarsa kuma ya dankare maganadisu (Gravity) to babu wani abu da zai iya dagawa sama ko da kuwa bai kai auduga nauyi ba.
Bayan wadancan abubuwa hudu da dole sai sun hadu ake iya tashi sama, akwai kuma wasu abubuwa dake da tasirin gaske wajen sauka da tashin jiragen sama:
--Yanayin Dumi (Temperature): da ke haifar da yadda iska zata kasance wajen nauyinta (Density) na daya daga ciki. Idan iska bata da nauyi jirgi ba zai iya tashi ba amma idan tayi nauyi sai ya iya tashi
--Iska: har ila yau, iska da ke kadawa ita ce ke bada saitin bangaren da jirgi zai tashi ko kuma ya sauka domin baya tashi sai ta daura da nahiyar da take kadawa haka wajen sauka sai ta daura da nahiyar da iskar ke kadawa (wato idan iska na kadawa yamma sai jirgi ya sauka ta gabas), shi yasa ake ganin wani jan kyalle mai kama da bututu a gefen titin da jiragen sama ke tashi, ya na nuna inda iska ke kadawa
--Layukan tsaye da na kwance a doron duniya (Longitudes da lattitude): na taimakawa matuka jirgi wajen gane nahiyoyi
--Mahadar wadancan layuka (Co-ordinates): Dukkan garuruwan dake doron kasa na da mahadar wadannan layuka da ke kusa da su kuma na kano daban yake da na kaduna ko Abuja. Shine yasa duk da cewa babu tituna a sama kuma matukan jirgin sama ba sa iya hangen doron kasa amma amfani da wannan mahada ya na sa su gane sun zo inda za su je ba tare da hakikanin ganin wajen ba
--Doron maganadisun duniya na arewa (North magnetic pole): Wanda duk ya san compass da ake sawa a dardumar sallah don nuna al-qibla yana ganin wata allura da ke kwance ta na nuna nahiya. To ita allurar a koda yaushe ta na fuskantar inda wannan maganadisu na arewa yake don haka a duk inda ka ke da zarar ka gane arewa dole ne ka gane ina sauran jihohin gabas, kudu da yamma su ke.
--Zangon rediyo (frequency) Tukin jirgi ba zai yiwu ba sai da zangon rediyo domin kusan mafi mahimmancin na'urorin da ake amfani da su ta hanyar zangon rediyo ake amfanin da su, misalin na'urarorin da ke amfani da zangon rediyo wajen jagorancin jirgi a wajen sauka (ELS), da na'urar gane nisa (DME), da na'urar gane nahiya nan take (Automatic direction finder) da kuma naurar tangaraho da rada dukkanninsu ta zangon rediyo ake amfani dasu.
Wadannan abubuwan da na lissafa sai da su jirgin sama zai iya tashi kuma dukkansu babu wani abu da bai dogara da wani abu halittacce daga ubangiji ba. Hatta shi kansa injin jirgi da mutum ne ya kirkire shi ba zai yi aiki ba sai da iska da Allah ya halitta. Domin ga yadda injin jirgi ke aiki: wato da zarar an kunna shi sai wasu manyan farfeloli da ke ciki su fara juyawa a guje kuma an kera su yadda idan suna juyawa sai su dinga zukar iska daga waje da karfin gaske (da mutum zai tsaya saitin su sai iskar ta fizgo shi cikin injin). Da zarar iskar ta shiga cikin injin sai ta dunkule saboda karfinta da kuma rashin sarari, sai a watsa mata fetur wanda zai sa ta fara konewa cikin gaggawa (idan ka leka cikin injin sai kaga wuta ce ta ke ci gagga-gagga) wannan konewa sai ta dada kumburawa da fadada wannan iskar yadda dole sararin wajen zai mata kunci dole ta nemi hanyar ficewa cikin gaggawa. Fitar wannan iska da karfi ke baiwa jirgin kuzarin zabura (misali shine idan ka cika balan-balan kuma sai ka saki bakinta za ka ga ta fice a guje tana zarya). A takaice haka ne yadda injin jirgi ke aiki, ka ga lallai shi kansa idan babu iskar da Allah ya halitta ba zai yi tasiri ba. Wannan shine manufar waccan aya da Allah ke cewa sai fa da izininsa za a iya keta sararin sama.
A yau Dan Adam ya kai tsaikon ba jiragen sama wadanda ke kara-kaina a doron duniya ba, har wadanda ba su da matuka an kirkira su na tafiye-tafiye zuwa wasu duniyoyi da ke cikin rukunin tauraron mu, wato Rana. Cikin irin wadannan jirage wanda ya fi shahara sune yan tagwayen jiragen da kasar Amurka ta harba daf da juna a shekarar 1977 wandanda aka yi wa lakabi da Voyager I da Voyager II. A yanzu haka shi wannan jirgi na Voyager 1 da ke gudun kilomita dubu 61,200 a awa guda, a ranar yau ta 20 ga watan Mayu na 2019, ya yi tafiyar shekaru 41 da wata 8 da kwana 15, tun a shekarara 2012 ya fice daga rukunin tauraronmu. Ya kasance jirgi na farko da ya iya dauko hoton jerin rukunin duniyoyi da ke kewaya rana. Wannan jirgi zai ci gaba da lulukawa sama’u har zuwa shekarar 2025 lokacin da na’urorinsa za su daina aiki. Tsarki ya tabbata ga ubangiji wanda ya baiwa Dan Adam irin wannan basira ta kera jirgi wanda ake sarrafawa daga doron duniya, ya yi tsawon shekaru ya na tafiya tare da bada bayanai na hotuna ga abubuwan da ya ke karo da su. A wannan jirgi ne Carl Sagan ya sa aka dauki sautin gaisuwa da yaruka daban daban na duniya ko da Allah ya sa watarana wannan jirgi zai karo da wasu halittu a hanyarsa.

ME YASA IDAN TSUNTSAYE SUKA TABA WUTAR LANTARKI BATA YI MUSU SHOKIN?




ME YASA IDAN TSUNTSAYE SUKA TABA WUTAR LANTARKI BATA YI MUSU SHOKIN?

Sau da yawa mutane kan yi mamakin yadda
tsuntsaye ke gad'ar su a kan wayoyin
lantarki ba tare da ta wujujjugasu ba.
Shi ko d'an Adam, da zaran an samu
kuskure ya tab'a ta, sai ta ja shi tamkar
maganad'isu da ka iya hallaka shi.
D'an Adam tun yana yaron sa ake nuna
masa irin had'arin da wutar lantarki take da
shi, da kuma nisanta shi da yin wasa kusa
da ita. Haka kuma, ya san kauce wa sa y'ar
yatsar sa a ramin soket, da yin taka tsantsan
wurin amfani da kayan lantarki a kusa da
ruwa ko kuma idan sun jik'e, da kuma
k'auracewa duk inda wayoyin lantarki su ke,
musamman ma inda aka yi jone-jone da
kuma falwayoyi. Guje ma hakan, ka sa
mutum ya tsira daga hatsarin shokin, da ka
iya halakarwa nan take.
Ita dai wutar lantarki, na tafiya ne ta hanyar
tunkud'owar da sinadaren haske da ake kira
(electrons) ke yi ta kwandakta (conductor).
Wayar wuta ko tagulla ko jan karfe (copper),
ita ke ba wutar lantarki damar tafiya a
sauk'ake a kan ma'aunin ta.
Idan muka waiwaya baya domin amsa
tambayar mu ta faro. Shin ko wani dalili ya
sa tsuntsaye wuta bata jan su?
Dalili kuwa shi ne; su dai tsuntsaye ba su jin
shokin a yayin da suka sauka a kan wayoyin
lantarki, sabo da ba su da kwandakta mai
kyau da wutar lantarki ke so a yayin da take
tafiya a cikin wayoyi. Bugu da k'ari,
kasancewar kwayoyin halittu wato (cells) da
na tsokoki (tissues) d'in tsuntsaye, ba su ba
wa sinadaren wutar lantarki (electrons)
damar wucewa a sauk'ak'e kamar yadda su
ke wucewa a kan jan k'arfe ko tagulla
(copper).
Wutar lantarki na tafiya ne da ga wuta mai
k'arfi zuwa mara k'arfi (high to low voltage).
Haka kuma tana zuwa ne a kan layi d'aya na
wuta da k'arfin ta ya kai dubu talatin da
biyar (35000 volts). A yayin da take wucewa
da k'arfin ta, ko da tsuntsaye sun hau kan
wayar, sai dai ta wuce ba tare da sun san an
yi ba.
Duk da cewa masana sun ce ba k'arfin
wutar ke kisa ba. Amma da yake k'arfin
wutar ya bambanta kuma akwai adadin da
ake buk'ata domin samar da makamashin
wutar lantarki.
A yayin da tsuntsu ya sauka a kan layin
wutar da k'arfin ta ya kai dubu talatin da
biyar da aka fad'i a baya, to sai tak'i ma
tsuntsun komi sabo da ba a samu bambacin
k'arfi ba, (abun nufi shi ne, karfin wutar na
nan yadda ya ke bai canza ba). Amma idan
da za a yi rashin sa'a, tsuntsun ya mik'a
fiffiken sa, zuwa wani layin wuta ta daban, to
fa da labari ya canza, domin fizgan shi za ta
yi, har ta kai shi lahira. K'aramin misali shi
ne; "jemage" shi idan ya tashi sauka kanta,
afka mata yake yi, duk sai ya tab'a biyun
gaba d'aya, shi yasa yake yawan mushe a
kan ta. Duba da irin haka ne, ya sa
kamfanonin dake samar da wutar lantarki ke
bada tazara tsakanin waya da waya a
falwayoyi.
Haka kuma, a kan binne wayoyin lantarki a
k'asa sosai, domin guje wa hatsarurrukan da
ke tattare da ita. Shi ya sa da zaran mutum
ya tab'a ta, sai ta jijjiga shi ko ta fisge shi,
sabo da jikin mutum na da alak'a da k'asa,
da kuma kwandakta mai kyau da wutar
lantarki ke so.
Dama ita wutar lantarki, sinadarin da ake
samu na karen (current) daga wuta mai
k'arfi ne zuwa mara k'arfi. Shi ya sa, za ta
so jikin d'an Adam, domin yana da alak'a da
ta k'asar da aka binne, shi zai k'ara bata
dama ta tafi yadda ya dace. Dalin haka ne
ya sa, da zaran mutum zai tab'a wutar
lantarki sai ka ga ya jawo takalmi ya sa,
domin gujewa ja idan babu takalmi a k'afar
sa.
To ko me yasa su ma'aikatan kamfanonin
wutar lantarki ba ta cika jan su ba?
Dalili kuwa shi ne; kayan aikin su na da
garkuwar da ke kare su daga hatsarin wutar.
Haka kuma, safar hannun da suke sawa, ta
roba ce da ke hana ko wace irin wuta mai
k'arfi da mara k'arfi samun damar tab'a
jukkunan su.

LADAN DA MACE TAKE SAMU A GIDAN MIJINTA





LADAN DA MACE TAKE SAMU A GIDAN MIJINTA BAYAN TAYI AURE*_
(ALLAH YACE wala takhunu kallazina Qaddaf gazzlahaa.
1.Idan kikayi aure daga lokacin da kikayi sallah Allah zai baki lada dubu 1000.
2.idan kika kalli fuskar mijinki kikayi farin ciki Allah zai baki ladan zikiri goma 10.
3.idan kika shafi fuskar mijinki Allah Zai baki lada biyar 5.
4.idan mijinki ya rungume ki Allah zai baki lada goma.
5.idan mijinki yayi miki kiss sumbata Allah zai baki lada ashirin.
6.idan mijinki ya kwanta dake sau daya tak Allah zai baki yafi duniya da abin da yake cikinta.
7.idan kikayi wankan janaba Allah zai gafarta miki zunubanki da wanda kikayi da wanda zakiyi a gaba.
8.idan kika sami ciki kullum za'a rubuta miki ladan azumi da daddare shi kuma mijinki ladan sallah tahajjud da jihadi fisabilillah.
9.idan kika fara nakuda duk numfashi daya Allah zai baki ladan kamar kin 'yanta bawa guda daya.
10.idan kina haihuwa ALLAH zai gafarta miki kamar yau kika zo duniya.
11.idan kika fara bawa danki nono duk tsotsa daya da yayi Allah zai baki ladan kamar kin 'yanta bawa har ki yaye shi.
12.idan kika yaye danku Allah zaice da mala'iki ku shaida na gafartawa wannan mata da mijinta.
13. kwana daya da kikayi a gidan mijinki Allah zai baki ladan kamar kin 'yanta bayi dubu .
14.idan kika fara share dakinki Allah zai baki lada goma, daraja doma, a gafarta miki har sau goma.
15.idan kina yin sharar dakinki kina ambaton Allah, to Allah zai baki ladan yawan tsintsiyar hannunki.
16.idan kika yiwa mijinki abinci me dadi to duk girki daya Allah zai baki ladan hajji da umara kyauta.
17.idan kika bawa mijinki ruwa cikin ladabi Allah zai baki ladan azumin shekara daya.
```YAA ALLAH KA BAWA MATA IKON YIN BIYAYYA GA MAZAJENSU

YADDA MALAMI MAI YIN TAFSIR YAKAMATA YA ZAMA KAFIN YA FARA YIN TAFSIR


YADDA MALAMI MAI YIN TAFSIR YAKAMATA YA ZAMA KAFIN YA FARA YIN TAFSIR
.
Da farko dai mutum barai fara yin tafsir ba sai idan ya san ya wadannan Abubuwan kafin ya fara yin tafsir
.
Reshin sanin wadannan Abubuwan shi yake kawo zagi da kage a cikin tafsirin mai yinsa
.
Abubuwan sune guda 14:
1. Ya zama Mahaddacin Al-qur'ani
.
2. Ya zama Mahaddacin wasu daga Hadisai atleast ko 2500 zuwa 3000
.
3. Ya zama yana Duba Tafsiran Malamai magabata sosai
.
4. Yasan Furu'a kuma ya karanta Furu'a saboda sanin Ahkamu wato hukunce hukencen Addini
.
5. Yasan Luggan Larabawa wato Larabci
.
6. Yasan Tasauwuf, Don samun gada a Tafsirin sa
.
7. Yasan Nahawu/lirabi
.
8. Yasan Usulul Fighu
.
9. Yasan Usulul Dinu
.
10. Yasan fannin Balaga
.
11. Yasan Asbabun Nuzul
.
12. Yasan Nasikh da Mansukh
.
13. Yasan Tarihin Addinin Musulunci wato "Siyar
.
14. Yasan Ilmul Qiraa'aat
.
Ko da shike IMAMU ASSUYUDI yace Abubuwan sun kai Almost 50 to 55
.
Amma wadannan 14 sune Manyan a lamarin Addini
.
To in mutum bai san su ba bai kamata ya ajiye littafi a gabansa wai da sunan yana tafsir ba